រៀបចំនិងជំរុញការអនុវត្តគោលនយោបាយ យុទ្ធសាស្រ្ត គោលការណ៍ និងទិសដៅ តាមសកម្មភាពអាទិភាពនៃការកសាងរដ្ឋាភិបាលឌីជីថល ដើម្បីដាក់ជូន ក.ស.ឌ. ពិនិត្យនិងសម្រេច

រៀបចំ សិក្សា ស្រាវជ្រាវ និងជំរុញការផ្សព្វផ្សាយអំពីរដ្ឋាភិបាលឌីជីថល តាមរយៈសិក្ខាសាលា កម្មវិធីផ្សព្វផ្សាយ ទស្សនកិច្ចសិក្សា និងការផ្លាស់ប្តូរបទពិសោធនឹងរដ្ឋាភិបាលឌីជីថល

ពិនិត្យ សិក្សា លើកសំណើ និងផ្តល់យោបល់ជូន ក.ស.ឌ. លើការរៀបចំ ការកែសម្រួល និង/ឬការធ្វើវិសោធនកម្មច្បាប់និងលិខិតបទដ្ឋានគតិយុត្ត សម្រាប់ការកសាងរដ្ឋាភិបាលឌីជីថល

ជំរុញការអនុវត្តច្បាប់និងលិខិតបទដ្ឋានគតិយុត្ត ពាក់ព័ន្ធនឹងកម្មវិធី គម្រោង និងផែនការកសាងរដ្ឋាភិបាលឌីជីថល ដោយមានយន្តការអនុវត្តប្រកបដោយប្រសិទ្ធភាព

រៀបចំនិងជំរុញការអនុវត្តស្តង់ដាបច្ចេកទេសសម្រាប់ការកសាងរដ្ឋាភិបាលឌីជីថលដើម្បីធានាអន្តរប្រតិបត្តិការនៃប្រព័ន្ធព័ត៌មានឌីជីថលរបស់ក្រសួង ស្ថាប័ន និងវិស័យឯកជន

ជំរុញ សម្របសម្រួល និងគាំទ្រការចូលរួមកសាងរដ្ឋាភិបាលឌីជីថលពីគ្រប់មជ្ឍដ្ឋាន ដើម្បីសម្រេចចក្ខុវិស័យគោលបំណងនិងគោលដៅជាយុទ្ធសាស្រ្តនៃគោលនយោបាយរដ្ឋាភិបាលឌីជីថល

សម្របសម្រួល ពិនិត្យ និងផ្តល់យោបល់បច្ចេកទេសលើគម្រោងរដ្ឋាភិបាលឌីជីថល ដើម្បីបន្តនីតិវិធីអនុលោមតាមច្បាប់និងលិខិតបទដ្ឋានគតិយុត្តជាធរមាន

រៀបចំផែនការប្រចាំឆ្នាំ រយៈពេលមធ្យម និងវែង ស្របតាមសកម្មភាពអាទិភាពនៃគោលនយោបាយរដ្ឋាភិបាលឌីជីថលដើម្បីលើកសំណើជូន ក.ស.ឌ. ពិនិត្យនិងសម្រេច

កៀរគរធនធានហិរញ្ញវត្ថុ ធនធានបច្ចេកទេស និងមូលធនមនុស្សឌីជីថល ដើម្បីកសាងរដ្ឋាភិបាលឌីជីថល

បង្កើតកិច្ចសហប្រតិបត្តិការក្នុងប្រទេសនិងអន្តរជាតិ លើការកសាងរដ្ឋាភិបាលឌីជីថល

ជំរុញតាមដាន ការត្រួតពិនិត្យ និងការវាយតម្លៃលើការអនុវត្តគោលនយោបាយ ច្បាប់ លិខិតបទដ្ឋានគតិយុត្ត យុទ្ធសាស្រ្តគោលការណ៍ ទិសដៅ ស្តង់ដា កម្មវិធី គម្រោង និងផែនការកសាងរដ្ឋាភិបាលឌីជីថល ដោយកំណត់សូចនាករសមិទ្ធកម្មគន្លឹះ ព្រមទាំងកែសម្រួលសកម្មភាពអាទិភាពតាមការចំាបាច់ និងរៀបចំរបាយការណ៍ជូន ក.ស.ឌ. ពិនិត្យ និងសម្រេច។

ដឹកនាំ សម្របសម្រួល សហការ រៀបចំ និងជំរុញការអនុវត្តផែនការកសាងរដ្ឋាភិបាលឌីជីថល ដែលមានវិសាលភាពគ្របដណ្តប់លើអភិបាលកិច្ចនិងសេវាសាធារណៈ តាមរយៈការធ្វើសុខដុមនីយកម្ម ការកំណត់អាទិភាពនៃគម្រោងនានា និងការជំរុញប្រើប្រាស់បច្ចេកវិទ្យាឌីជីថល ស្របតាមកម្រិតឧត្តមានុពលនិងស្តង់ដាបច្ចេកទេស

ពិនិត្យនិងសិក្សាលើគម្រោងបរិវត្តកម្មរដ្ឋាភិបាលឌីជីថលប្រចាំឆ្នាំរយៈពេលមធ្យម និងវែង ដែលស្នើដោយក្រសួង ស្ថាប័ន ស្របតាមផែនការសកម្មភាពអាទិភាពនៃគោលនយោបាយរដ្ឋាភិបាលឌីជីថល ដើម្បីលើកសំណើជូន ក.ស.ឌ. ពិនិត្យនិងសម្រេច

សហការ រៀបចំ និងជំរុញការអនុវត្តនីតិវិធីប្រតិបត្តិស្តង់ដា សម្រាប់ដំណើរប្រព្រឹត្តទៅ នៃក្រសួង ស្ថាប័ន ដើម្បីលើកកម្ពស់ការប្រើប្រាស់ប្រព័ន្ធព័ត៌មានឌីជីថល សម្រាប់អភិបាលកិច្ចនិងសេវាសាធារណៈប្រកបដោយប្រសិទ្ធភាព និងប្រសិទ្ធផល

ជំរុញការរៀបចំទិន្នន័យគោល (Base Registry) និងការចែករំលែកទិន្នន័យរវាងក្រសួងស្ថាប័ន និងវិស័យឯកជន សំដៅជំរុញល្បឿននៃការកសាងមូលដ្ឋាន ការចាប់យក និងការធ្វើបរិវត្តកម្មរដ្ឋាភិបាលឌីជីថល