រាជធានីភ្នំពេញ៖ នាព្រឹកថ្ងៃទី៤ ខែកញ្ញា ឆ្នាំ២០២៥ ឯកឧត្តម ជាង វុត្ថា អគ្គលេខាធិការរង នៃអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល (គ.រ.ឌ.) បានអញ្ជើញចូលរួមជាវាគ្មិនក្នុងកិច្ចពិភាក្សា ក្រោមប្រធានបទ “អធិបតេយ្យភាពឌីជីថលរបស់កម្ពុជា គឺជាអធិបតេយ្យភាពជាតិរបស់ប្រទេសកម្ពុជា - Digital Sovereignty of Cambodia is National Sovereignty of Cambodia” អំឡុងពេលកិច្ចសន្ទនាពេលព្រឹកស្ដីពី “អធិបតេយ្យភាពឌីជីថលរបស់កម្ពុជា” នៅសណ្ឋាគារ TRIBE Phnom Penh។ នៅក្នុងកិច្ចសន្ទនាពេលព្រឹកនេះ ក៏មានការអញ្ជើញថ្លែងសុន្ទរកថាបើកដោយ ឯកឧត្តម កែវ សុទ្ធិ រដ្ឋលេខាធិការ ក្រសួងប្រៃសណីយ៍និងទូរគមនាគមន៍ផងដែរ។

គួរបញ្ជាក់ផងដែរថា កិច្ចសន្ទនាពេលព្រឹកស្ដីពី “អធិបតេយ្យភាពឌីជីថលរបស់កម្ពុជា” ត្រូវបានរៀបចំឡើងដោយ EuroCham Cambodia ក្នុងគោលបំណងពិភាក្សាពីបញ្ហាដែលកំពុងកើតមានទាក់ទងនឹងអធិបតេយ្យភាពទិន្នន័យ និងការប្រើប្រាស់អុីនធឺណិត។